Oh,Baby! Don’t break my heart!
“PK తో హృదయాన్ని తెరువుము” అన్న సుప్రసిద్ధ కార్యక్రమాన్ని, తన సుప్రసిద్ధ ఛానెల్లో, మన సుప్రసిద్ధ PK నిర్వహించడం అనేది తరతరాలుగా తెలుగువారి సంప్రదాయంగా వస్తోంది.
PK: మీరు తీసుకోనని చెప్పుకుంటారు కానీ మీ ప్రసంగాలకు ఎనకమాలగా డబ్బులు తీసుకుంటారని బయట టాకు.
ప్రవచనకారుడు: PK గారు, ప్రవచనాలకు తాంబూలం పుచ్చకోవడం తప్పేమీ కాదు కదండీ. పుచ్చుకోవడమెందుకు? పుచ్చుకుని, పుచ్చుకోలేదని చెప్పుకోవడమెందుకు? ఎందుకొచ్చిన ఖర్మ చెప్పండి? ఒకవేళ పుచ్చుకోదల్చుకుంటే మీ అందరి ఎదుటా అడిగే పుచ్చుకుంటాను. నేనింత వరకూ నా ప్రసంగాలకు పైసా పుచ్చుకోలేదు, ఇక మీదట పుచ్చుకోను.
PK: ఆ, ఇచ్చినా ఎంతలేండి? ప్రసంగానికి పదేలన్నా ఇత్తారా?
కిక్కిక్కిక్కీ…
PK: మీకు ఆ రోజుల్లో ఫలానా హీరోతో “రికరిక” అని ఇండస్ట్రీలో గుసగుస.
సీనియర్ నటీమణి: అయ్యో, బాబు PK, ఆ నటుడూ పోయాడు, నేనూ చివరి రోజుల్లో ఉన్నా. అవ్వన్నీ ఇప్పుడెందుకు బాబు?
PK: వృద్ధనారీ పతివ్రతః అంటారు, అంతేగా?
కిక్కిక్కిక్కీ…
PK: మీరు మంత్రిగా చాలా లంచాలు పట్టి బాగా ఎనకేసారని లోకమంతా కోడై కూస్తాంది.
మంత్రి: నేను చాలా నిజాయితీ మనిషిని. నేను అవినీతికి పాల్పడ్డానని నిరూపిస్తే నా మంత్రి పదవికి రాజీనామా చేస్తా.
PK: తీసుకోకుండా ఎట్టవుద్దిలేండి. తప్పదు. ఎంతెనకేసుంటారు?
ఓ వందకోట్లుంటయ్యా?
కిక్కిక్కిక్కీ…
PK: మీ “లపాకీ తో జపాకీ” అన్న టైటిల్ చాలా interesting గా ఉంది. అసలికా ఐడియా ఎట్టొచ్చింది మీకు?
అస్మదీయుడు: మేం ఆ name గురించి రోజుకి 72 గంటలు కష్టపడ్డాం. అంతా ఆర్డు వర్కు. టీం వర్కు. కింద వందమంది పనాళ్ళని బెట్టించి రాయిపించాం.
PK: ఓకే.ఓకే. పని చేయించాలంటే మనాళ్ళకే అవ్వుద్ది. మీ సినిమా పెద్ద సక్సెస్ అయ్యి అవార్డులు కొట్టాలని మనస్పూర్తిగా కోరుకుంటున్నా.