పరాశర భారతి

  ఏమండీ, మొన్న సాహితీ సభలో అంతగా ప్రసిద్ధి కాని ఆ రచయితను అంతలా పొగిడారే?  అతడు మా కేస్టు వాడండీ. అటుమొన్న సభలో పొగిడిన రచయిత? అతనూ మా కేస్టు వాడే. ఆగండాగండి. మీరేమనుకుంటున్నారో నాకర్థమైంది. మా కేస్టులో వ్రాసేవారే తక్కువ. ఉన్న నలుగురినీ నాలుగు మంచి మాటలు చెప్పి ప్రోత్సహించడం,పేరు తేవడం నా ధర్మం కదా.  పైగా వాళ్ళంతా నాకు బాగా పరిచయస్ధులు కూడాను. మంచిదేలెండి. మరి ఓ సభలో ఆ కవిని తెగ పొగిడారు? అతడు మీ కేస్టు వాడు కాదే?  అతను కమ్యూనిస్టండీ. కమ్యూనిస్టైతే ఏ కేస్టయినా మన కేస్టే.  ఆ మాటకొస్తే ప్రపంచంలో ఏ కమ్యూనిస్టైనా మన కేస్టే. బాగా చెప్పారండీ. మరి ఇంకో సభలో ఆ రచయిత్రిని పొగిడారు?  ఆవిడ మీ కేస్టూ కాదు, కమ్యూనిస్టూ కాదే?  భలే వారే సార్‌, పాపం లేడీస్‌కి కేస్ట్ ఏంటి సార్‌?  ఏ కేస్టయినా మనతో ఫ్రెండ్లీగా ఉన్నంతకాలం మన కేస్టే. ఏం చెప్పారండీ‌!  చూడండీ, మీకు తెలియకుండానే మూడు సార్వకాలీన, సార్వజనీన సత్యాలు చెప్పారు సార్‌!

  ఏం తమ్ముడు, రెబల్‌ స్టార్‌ రాకేష్! ‌‌ ఏంటలా డల్‌ గా ఉన్నావ్‌‌?  నేను Active గా ఉండే నాలుగు Whatsapp groups లోంచి నన్ను తీసేసారు,భయ్యా. చానా భాధగా ఉంది.  అయ్యో, అలాగా? ఎందుకో?  “వెలుగు దేశం” group లో మీ నాయకుడికి మంచి తెలుగు ట్యూషన్‌ మాస్టర్‌ని పెట్టించండి అని సలహా ఇచ్చా. అంతే, Group నుండి తీసేసారు. “బులుగు దేశం” group లోకి వెళ్ళి మీ ఉచిత ఊరగాయ పథకాలు పుట్టి ముంచుతాయని సుద్దులు చెప్పా.  అంతే,Group నుండి తీసేసారు. “ఎరుపు దేశం” group లోకి వెళ్ళి మీ ఎర్ర కళ్ళజోళ్ళు తీసేసి చూడండి లోకాన్ని అని హితవు పల్కా.  అంతే,Group నుండి తీసేసారు. “తెలుపు దేశం” group లోకి వెళ్ళి మీ నాయకుడికి ముందు soft skills, Public behavior courses లో చేర్చి training ఇప్పించండి, అతగాడు కన్ను కొట్టడం మానేస్తే మీకు మేలు జరుగుతుందని బోధించా.    అంతే, Group నుండి తీసేసారు. అంతే,భయ్యా.అంతే.  నా voice వినిపించాలనుకోడం తప్పా భయ్యా?  చెప్పు భయ్యా?  Groups నుండి నిర్దాక్షిణ్యంగా తీసేసారు భయ్యా!  చానా అవమానంగా ఉంది భయ్యా! యదార్ధవాది లోకవిరోధి అని ఊరికే అనలేదు తమ్ముడూ.  నువ్వు revenge తీర్చుకోవాలంటే ఒక పని చెయ్యి.  ఈ WhatsApp gr

  ఇయ్యాల తెలుగు భాషాదినోత్సవం తమ్మీ. నువ్వేం జేసావ్‌?  అవునన్నియ్యా, తెలుగు దినం అన్జెప్పి నాకు పదిమంది పంపిన శుబాకాంక్షల్ని నేనుంకో పదిమందికి forward చేసానన్నియ్యా.  అబ్బో, చానా గొప్ప పని. నీ పిల్లలు తెలుగులో మాట్లాడతారా?  నో అన్నియ్యా. పిలకాయలకి తెలుగు సరింగా రాదన్నియ్యా. ఆళ్ళంతా ఇంగ్లీషే నన్నియ్యా. నువ్వు మాత్రం తెలుగోడివి, నీ పిల్లలు ఇంగ్లీషోళ్ళంటావ్‌? అంతేగా. ****************************** **** తెలుగు సాహితీవేత్త గారు, తెలుగు భాషాదినోత్సవ శుభాకాంక్షలండీ.  ఈ రోజు ఏం చేసారు?  పొద్దున్ననగా లేచి తెలుగు భాష గొప్పతనం గురించి ఫేస్‌బుక్‌లో పెద్ద post పెడితే ఇప్పటిదాకా 60 likes, 20 loves వచ్చాయి. సాయంకాలానికి నెంబర్‌ పెరుగుతుందని చూస్తున్నా.  మీ పిల్లలు తెలుగు మాట్లాడతారాండీ?  చిన్నప్పుడు నేర్పించానండీ, ఇప్పుడు తెలుగులో మాట్లాడాలంటే కొంచెం షై ఫీలౌతారు.  ఓహో, తెలుగు భాష గొప్పతనం గురించి చెప్పలేకపోయారా షై పోయేట్టు?  ***************************** తెలుగు సినీ కవి గారు, తెలుగు భాషాదినోత్సవ శుభాకాంక్షలండీ.  ఈ రోజు ఏం చేసారు?  పొద్దున్నే లేచి టీవీ వాళ్ళను పిలిచి,  తీపి తీపి తెల్గు ఇది  కడక్‌ చాయ్

  కన్నడ శతావధాని: తాతాచారి గారు, శ్రీనాథుడిది ఆశు కవిత్వం, పెద్దనది ఆలోచనామృతమని తమరు షూలేసుతో కలిసి వ్రాసి పడేశారు. అంటే, శ్రీనాథుడికి ఆశువుగా పద్యం చెప్పడమేగానీ, ఆలోచన లేదంటారా?  లేక పెద్దనకు ధార లేదు, ఆలోచించి ఆగి ఆగి వ్రాస్తాడంటారా పద్యం?  రెండూ తప్పే కదూ తాతాచారి గారు?  తాతాచారి: హీహీ, నేను ఏమంటే అదే సరి అనే నా శిష్యులున్నారిక్కడ. కన్నడ శతావధాని: శ్రీనాథుడిది, పెద్దనది, తెనాలి రామకృష్ణులది, కృష్ణదేవ రాయలది వేరే వేరే schools అని మాట్లాడారేమి మీరు,మీ షూలేసు?   కవి మనోధర్మాన్ని అనుసరించి భిన్నంగా వ్రాసినంత మాత్రాన వారివి వేరే వేరే school of thought ఎలా అవుతుందండీ?  తాతాచారి: హీహీ, నేను ఏమంటే అదే సరి అనే నా శిష్యులున్నారిక్కడ. కన్నడ శతావధాని: తమరిద్దరు సృజనకారులు కారే?  జన్మలో ఒక పద్యం రాయలేదు, కవిత్వం చెప్పలేదు.  కవి కాకుండా, ఒక్క పద్యమూ వ్రాయకుండా, పద్యంలో ఒడుపు తెలియకుండా కవుల పద్యాలను ఏ జ్ఞానంతో బేరీజు వేసి వ్యాఖ్యానాలు చేస్తున్నారయ్యా?  తాతాచారి: హీహీ, నేను ఏమంటే అదే సరి అనే నా శిష్యులున్నారిక్కడ. కన్నడ శతావధాని: సంప్రదాయం తెలియకుండా, అవిచ్ఛిన్న సాంస్కృతిక ధారకు వారసుడవు కాకుండా,

  వచన కవి సుబ్బారావు కాలంలో అలా అలా వెనక్కి వెళ్ళి శ్రీకృష్ణదేవరాయల కాలంలోకి వెళ్ళిపడ్డాడు.  అక్కడో అందమైన దేవదాసీ పూలసజ్జ చేత పుచ్చుకుని దేవళానికి పోతూ కనిపించింది. వెంటనే- నీ కళ్ళు నీ కళ్ళు నా వలపు వాకిళ్ళు చెక్కిళ్ళు చెక్కిళ్ళు కోర్కెలకు ఎక్కిళ్ళు నీ ఒళ్ళు నా ఒళ్ళు  ప్రేమలకు పరవళ్ళు అంటూ ఓ కవితను ఆశువుగా చెప్పేశాడు. పద్యం కట్టడం రాదా స్వామీ? అని ఎకసెక్కెమాడింది ఆ దేవదాసి.  ఆ మాటకు సిగ్గు పడిపోయాడు సుబ్బారావు. వన్నెల నెరజాణలు మీ చిన్నెలు పదివేలవి చిలువలు పలువలు ఈ మోహము నాకేల  హా! ఇచ్చకపు మాటలు పోయి  వచ్చెద మరి ఇంతి, నా దారి నాది.  అంటూ అక్కడినించి కదిలాడు.  అలా విజయ నగర వైభవం చూస్తూ ఆ వీథులను, ఆ దేవాలయాలను, ఆ మేడలను, ఆ సైనికులను ఆ వైభవాన్ని చూస్తూ చూస్తూ కవిని అని ద్వారపాలకులకు చెప్పుకుని రాయలవారి ఆస్థానంలోకి ప్రవేశించాడు.  సింహాసనం మీద కూర్చున్న రాయలవారిని చూడగానే, సుబ్బారావులోని కవి ఉవ్వెత్తున పైకిలేచి,  అటు చూడు ఇటు చూడు ఆకాశ హర్మ్యాలు జేగీయమానాలు రాయల దేశమిది రత్న గర్భ! ఎదురు లేని దిగ్విజయ  నగరమిది సాహో! గజపతులు సురపతులు నీ కాళ్ళ కింద!  జయహో! దేవ రాయ! జాతి వెలుగు సరిలేరు మరి నీకు

  భయ్యా, నా విఫలప్రేమలు తల్చుకుంటే ఏడుపొస్తాంది భయ్యా!  ఏడో తరగతిలో ఒకమ్మాయిని ప్రేమించా.  ఆ పిల్లకి పదో తరగతిలోనే పెళ్ళైపోయింది. పదో తరగతిలో ఒకమ్మాయిని ప్రేమించా.  ఆ పిల్లకి ఇంటర్‌లోనే పెళ్ళైపోయింది.  డిగ్రీలో ఒకమ్మాయిని ప్రేమించా.  ఆ పిల్లకి ఫైనల్‌ ఇయర్‌లోనే పెళ్ళైపోయింది.  నిరుద్యోగిగా ఉన్నప్పుడు ఓ పిల్లని ప్రేమించా.  నాకు ఉద్యోగం రాలేదు గానీ ఆ పిల్లకి ఉద్యోగం వచ్చి ఇంకో ఉద్యోగస్థుడిని పెళ్ళి చేసుకుని వెళ్ళిపోయింది.  ఉద్యోగం వచ్చాక ఆఫీసులో ఒకమ్మాయిని ప్రేమించా.  ఆ పిల్ల మతం మారమని గోల చేస్తే ఆ గోల తట్టుకోలేక నేనే వదిలేసా.  మొన్నటి వరకూ పక్కింటి అమ్మాయిని ప్రేమించా.  ఆ విషయం ఆ పిల్లకి చెబ్దామని వెళితే, ఆ పిల్ల మా పక్కింటి వాడిని ప్రేమిస్తోందని తెల్సింది భయ్యా!  గుండె ముక్కల్‌ ముక్కల్‌ ఐపోతాంది భయ్యా! వా!.. సాటి వాళ్ళతో సరిగంగ స్నానాలు చేస్తాంటే ముసలి మొగుడ్ని మొసలెత్తుకు పోయిందంట. అట్టుంది తమ్మీ నువ్‌ జెప్పేది. కాస్త కంటికి నదరగా కన్పించిన ప్రతి పిల్లనీ పనీపాట లేక ప్రేమించుకుంటా పోయావ్‌.  ఒకడి అన్నం ఒకడికవ్వుద్దేమో గానీ ఒకడి ఆలి ఒకడికవ్వదు తమ్మీ. ఎవ్వరైనా సరే ఏదో పూర్వజన్మ ఋణం ఉంటేనే

  ఏమిటే, స్పాంజితోను,గుడ్డ ముక్కలతోను కుట్టిన ఈ అమ్మవారి మొండేనికి, ఈ కొనుక్కొచ్చిన అమ్మవారి ముఖం తగిలించి పూజ చేస్తావా?  నీ మొహంలా ఉంది!  ఆ బొమ్మ తీస్కెళ్ళి షోకేసులో పెట్టుకో.  నాకో కొబ్బరికాయ,పసుపు,బియ్యప్పిండి ఇవ్వు.  చక్కని అమ్మవారి మొహం చేసి ఇస్తాను. ఇదేమిటే? ఈ వెండి పూలు, బంగారు రంగు వేసిన పూలేవో పెట్టావు? ఇదేవిటి? ప్లాస్టీకు‌ పూలదండలా?  పూలంటే ఇలా మనుషులు చేసిన పూలు పెడతారా ఎవరైనా?  నిజం పూలు లేవూ?  చక్కగా బంతులు,చామంతులు,మల్లెలు,గులాబీ లు తెప్పించు. ఏమిటే,ఇవి పీటకి అటూఇటూ పెట్టావు?  ప్లాస్టీకు‌ అరటిబోదెలా? హవ్వ!  పెరట్లోంచి రెండు అరటి బోదెలో,చిన్నవి అరిటాకులో ఉంటే తీసుకొచ్చి అలంకరణగా పెట్టు. లేకపోతే లేదు. అంతేగానీ ప్లాస్టీకు‌ చెట్లు పెట్టడమేమిటే?  ఇదేమిటే? స్టీలువో వెండివో ఇవి? చెఱుకుగెడ బొమ్మలు పెట్టావు అటూఇటూ.  దొరికితే నిజం చెఱుకుగెడలు తెచ్చి పెట్టాలిగానీ ఇదేమిటే బొమ్మలు పెట్టడం ఏమిటే?  ఇదేమిటీ, వెండి తమలపాకు బొమ్మలా? రామ!రామ!  అబ్బబ్బా! బామ్మా! ఇప్పుడిదే ట్రెండ్. ఇవన్నీ బజార్లోంచి కొనుక్కొచ్చి అలంకరించడమే ఫాషన్‌. పూజ ఎవరూ చూడరు. ఎంత గ్రాండ్‌గా అలంకరించామనేదే చూస్తారు.  చూడు

  హలో,అప్పారావు గారు, అంతా కులాసాయేనా? బాగున్నామండీ, సుబ్బారావు గారు.ఇంటిల్లిపాదీ కర్రసాము నేర్చుకోవడంలో బిజీగా ఉన్నాం.  కర్రసామా? ఎందుకు?  వచ్చే నెల్లో కొండకి నడిచి ఎక్కబోతున్నామండీ, మొక్కు తీర్చుకోవడానికి.  ఓహో, భలే. అయినా ఈరోజుల్లో కర్రసాము నేర్పించేవాళ్ళు ఎక్కడున్నారండీ?  అయ్యో, మీకు తెలీదా? ఇప్పుడు ఊరూరా కర్రసాము నేర్పించే కోచింగ్‌ సెంటర్లు వచ్చేసాయండీ.  మన ఊళ్ళోనే నాలుగు సెంటర్లు పోటీల మీద నడుస్తున్నాయి.  పులి వస్తే కర్రతో ఎలా కొట్టాలి,  సింహం వస్తే కర్రతో ఎలా కొట్టాలి, ఎలుగుబంటి,చిరుత, ఇలా, ఏ జంతువుని కర్రతో ఎలా ఎదుర్కోవాలో  అక్కడ ట్రైనింగు ఇస్తారు. NRI లకి 2-days crash course కూడా ఉందిట! బావుందండీ. ఇవేవీ నాకు తెలియవు. మంచిది. క్షేమంగా కొండెక్కి రండి. తిరిగి వచ్చాక మాట్లాడుకుందాం.  నెల రోజులయ్యాక అప్పారావు సుబ్బారావు మళ్ళీ కలిసారు. హలో సార్‌! అప్పారావు గారు, ప్రయాణం బాగా జరిగిందా? క్షేమంగా వెళ్ళి వచ్చారా? పులులు అవి ఏమీ కన్పించలేదు కదా?  ఏం చెప్పమంటారండీ? దోవలో పులి కనిపించింది.  దాన్ని చంపడం కూడా జరిగిపోయింది.  నేర్చుకున్న కర్రసాము అక్కరకొచ్చిందన్న మాట.  మొత్తానికి మీమీద దాడికి

  దారిన పోయే దానయ్య: బైరాగి స్వామీ, మన ఆధునిక కవులు,రచయితల్లో ఎక్కువమంది నాస్తికుల్లా మాట్లాడుతూ ఉంటారు. వాళ్ళంతా ఎవరిని పూజిస్తారయ్యా?  బైరాగి: వాళ్ళంతా పైకి సౌందర్య దేవతారాధకులమని చెప్పుకుంటూ ఉంటారు. కానీ వారు కామ పిశాచికి వశులై ఉంటారు.  దాని చెప్పుచేతల్లో బతుకులు ఈడుస్తూ,  అది చెప్పినట్టు వింటూ,  దానికి నిత్యము పాదపూజ చేస్తూ,  వయసుకు తగని వెర్రిమొర్రి వేషాలు వేస్తూ  ఉన్మత్తావస్థలో ఉంటారు. దానయ్య: అలాగా.  మరి శాకిని,ఢాకిని వంటి పిశాచాలు కూడా ఉన్నయ్యా స్వామీ?  బైరాగి: ఉన్నాయి.  అవి కొత్త కోడలు ఇంటికి రాగానే ఈర్ష్యాఅసూయలతోను, అభద్రతాభావంతోను  నిండిన మనస్సులు ఉన్న  ఆ ఇంటి అత్త గారిలోను, ఆడపడుచుల్లోను ప్రవేశించి,  కోడలిని సాధించు, హింస పెట్టు, వేధించు అని  నిరంతరం చెవిలో పోరుతూ ఉంటాయి.  వాళ్ళ మనసులు ఎంత అరిషడ్వర్గాలతో నిండి ఉంటాయో,  అంతగా అవి వాళ్ళలో చెలరేగిపోతూ ఉంటాయి.  దానయ్య: అలాగా.  మరి మర్రి చెట్టు పైని బ్రహ్మ రాక్షసుడి కథలు విన్నాం కదా.  ఆ బ్రహ్మ రాక్షసులు ఇంకా ఉన్నారా స్వామీ? బైరాగి: ఉన్నారు. విద్యతో మనుషులను ఆకర్షించి,  వారిని తమ స్వార్థానికి వాడుకునే వారిలోను, ఇతరుల విద్యను చూసి

  మేం ఇకనించీ చీరలే కట్టుకొస్తాం అని డిగ్రీ అమ్మాయిలు, లంగా ఓణీలలోనే వస్తాం అని ఇంటర్‌ అమ్మాయిలు ప్రతిజ్ఞ చేసారు ఓ కాలేజీలో.  అది మిగిలిన కాలేజీలకీ పాకడంతో  చీరలు, పరికిణీ ఓణీలు వేసుకున్న విద్యార్థినులతో రాష్ట్రమంతా కళకళలాడసాగింది. దీని మీద-  పెడదారి టీవీ ఛానల్‌ యాంకర్‌: ఇక మీదట మోడ్రన్‌‌ దుస్తులు వద్దు, చీరలు ఓణీలే ముద్దు అంటున్న అమ్మాయిలు!  ఇది వెనకబాటుతనమా?  పాకెట్స్ లోంచే రాకెట్స్ లాంచ్‌ చేస్తున్న ఈ అణుయుగంలో ఇంకా చీరలా?  మనతో బాటు ఉన్నారు, ప్రముఖ యాక్టివిస్ట్ పప్పుల పెద్దమ్మ గారు. ఆవిడేమంటున్నారో విందాం:  ఆ ఆడపిల్లలు అలా ప్రతిజ్ఞ చేయడానికి కారణం బ్రామ్మినికల్‌ పేట్రియార్కీతో వాళ్ళ బుర్రలన్నీ బ్రెయిన్ వాష్‌ చేయబడడమే.  ఇది హిందుత్వవాదుల కుట్ర. ఇది నిస్సందేహంగా దేశాన్ని పదిహేను వందలేళ్ళు వెనక్కి తీసుకుపోవడమే.  తరతరాలుగా అణిచివేయ బడ్డ స్త్రీ బానిసత్వానికి సంకేతం  ఆ ఓణీ, ఆ చీర.  చీరలను కాకులకు గద్దలకు వేయాలి! ఓణీలను వల్లకాట్లో పడెయ్యాలి! పెడవాద చరిత్రకారుడు:  అసలు ఈ చీరలు,ఓణీలు మన భారతదేశానివి కాదు.  ఓణీలు ఆఫ్రికానుండి, చీరలు అరేబియా నుండి వచ్చాయి.  వాళ్ళు మానేసారు గానీ మనం వేసుకుంటున్