ఆడ్నెవరికైనా సూపించండ్రా!

 



భాషేష్‌: నేను నా వ్యాసాల్లో వేదాల్లోంచి Quote చేస్తా. కానీ వేదాలంటే నాకేమీ remote గా కూడా గౌరవం లేదు. నేను పురాణాలను, ఇతర హిందూ మత గ్రంథాలను పరామార్శిస్తా, తరువాత వాటిని నా వ్యాసాల్లో విమర్శిస్తా. 

అరుగు మీది పెద్దాయన: రేయ్‌, ఆడ్నెవరికైనా సూపించండ్రా! అలా వదిలెయ్‌కండ్రా బాబు ఆడ్నలాగ. కూసోబెట్టి సెప్పండ్రా. 

రబ్బర్‌‌: నేను తెలుగు పత్రికల్లో బొమ్మలేస్తా కానీ వాటిల్లో తెనుగుదనం జయమాలిని డాన్సులాగా కనిపించీ కనిపించకుండా ఉండేటట్టు మానేజ్‌ చేస్తా. హిందూ దేవుళ్ళను కామెడీగా గీస్తా. నా మతాన్ని మాత్రం జాగ్రత్తగా మోస్తా.

అరుగు మీది పెద్దాయన: రేయ్‌, ఆడ్నెవరికైనా సూపించండ్రా! అలా వదిలెయ్‌కండ్రా బాబు ఆడ్నలాగ. కూసోబెట్టి సెప్పండ్రా. 

జెఫ్పా: నేను, నా పత్రిక, హిందువుల మీద, హిందువుల వల్ల నడుస్తున్నా, నా పత్రికను హిందూ దేశాన్ని, హైందవాన్ని తిట్టిపోయడానికి వాడతా. బయట మాత్రం చక్కెర పూసిన మాటలు మాట్టాడతా.

అరుగు మీది పెద్దాయన: రేయ్‌, ఆడ్నెవరికైనా సూపించండ్రా! అలా వదిలెయ్‌కండ్రా బాబు ఆడ్నలాగ. కూసోబెట్టి సెప్పండ్రా. 

మిస్‌గైడెడ్‌ మిస్సయ్య: నేను మొన్నటిదాకా “అ” వాదిని. ఇప్పుడు అందులోను అన్యాయం ఉందని గ్రహించా. “అ” లోంచి “అఅ” వర్గం, “అఆ” వర్గం ఏర్పడ్డాయి. నేను “అఅ” లో చేరి కొంతకాలం మైదానాల్లో పని చేసా. అదీ మోసమే అని తెలుసుకున్నా. అందులోంచి వచ్చిన “అఅఆ” సిద్ధాంతాల పట్ల ఆకర్షితుడినై కొన్నాళ్ళు దానికోసం పని చేసా. అదీ రివిజనిస్టు బూర్జువా ఎక్సెట్రా అని తెలుసుకున్నా. ఈలోపల “ఇఈ” లో చేరి అదంతా తప్పుడు సిద్ధాంతం అని తెలుసుకుని బయటకు వచ్చేటప్పటికి వయసైపోయింది. ఇప్పుడు అన్నింటికీ “ఉఊ” అంటున్నా. 

అరుగు మీది పెద్దాయన: రేయ్‌, ఆడ్నెవరికైనా సూపించండ్రా! అలా వదిలెయ్‌కండ్రా బాబు ఆడ్నలాగ. కూసోబెట్టి సెప్పండ్రా. 

దారిన పోయే దానయ్య: పెద్దాయనా, ఇందాకట్నించీ వింటున్నా. ఈళ్ళందర్నీ ఎవరికి సూపించాలంటా? 

ఇంకెవరికిరా, మన ఎర్రగడ్డ పిచ్చాస్పత్రాళ్ళకి. అని నవ్వి, కండువా దులుపుకుని ఊళ్ళో రాములోరి భజన మొదలైందని చక్కా పోయాడు,అరుగు మీది పెద్దాయన.



ఈ బ్లాగ్ నుండి ప్రసిద్ధ పోస్ట్‌లు

తాతాచారికి కన్నడ వడదెబ్బ

  కన్నడ శతావధాని: తాతాచారి గారు, శ్రీనాథుడిది ఆశు కవిత్వం, పెద్దనది ఆలోచనామృతమని తమరు షూలేసుతో కలిసి వ్రాసి పడేశారు. అంటే, శ్రీనాథుడికి ఆశువుగా పద్యం చెప్పడమేగానీ, ఆలోచన లేదంటారా?  లేక పెద్దనకు ధార లేదు, ఆలోచించి ఆగి ఆగి వ్రాస్తాడంటారా పద్యం?  రెండూ తప్పే కదూ తాతాచారి గారు?  తాతాచారి: హీహీ, నేను ఏమంటే అదే సరి అనే నా శిష్యులున్నారిక్కడ. కన్నడ శతావధాని: శ్రీనాథుడిది, పెద్దనది, తెనాలి రామకృష్ణులది, కృష్ణదేవ రాయలది వేరే వేరే schools అని మాట్లాడారేమి మీరు,మీ షూలేసు?   కవి మనోధర్మాన్ని అనుసరించి భిన్నంగా వ్రాసినంత మాత్రాన వారివి వేరే వేరే school of thought ఎలా అవుతుందండీ?  తాతాచారి: హీహీ, నేను ఏమంటే అదే సరి అనే నా శిష్యులున్నారిక్కడ. కన్నడ శతావధాని: తమరిద్దరు సృజనకారులు కారే?  జన్మలో ఒక పద్యం రాయలేదు, కవిత్వం చెప్పలేదు.  కవి కాకుండా, ఒక్క పద్యమూ వ్రాయకుండా, పద్యంలో ఒడుపు తెలియకుండా కవుల పద్యాలను ఏ జ్ఞానంతో బేరీజు వేసి వ్యాఖ్యానాలు చేస్తున్నారయ్యా?  తాతాచారి: హీహీ, నేను ఏమంటే అదే సరి అనే నా శిష్యులున్నారిక్కడ. కన్నడ శతావధాని: సంప్రదాయం తెలియకుండా, అవిచ్ఛిన్న సాంస్కృతిక ధారకు వారసుడవు కాకుండా,
మరింత చదవండి

మన మతమసలే పడదోయ్‌!

  మా దేవుడి గురించి మీ వేదాల్లో ఉన్నాదంట.    అవునా? నిజమా? మా దేవ్‌డి గురించి వర్ణనా మీ భవిష్య పురాణంలో ఉంది హై! దేఖో! అవునా? నిజమా? మా దేవుడి రాక గురించి మీ పద్మ పురాణంలో ఉంది. కావాలంటే చూస్కో.  అవునా? నిజమా? మా బాబా అఖిలాండ్‌ కోటి బ్రమ్మాండ్ నాయక్. మీ అందరి దేవుళ్ళు మా బాబా కాళ్ళకింద అని మీ బాబా పురాణంలో ఉందిఠ. అవునా? నిజమా? మా రైన్‌ కోటు అమ్మ గురించి భాగ్వతం రెండో ఛాప్టర్‌లో ఉంది హైహై! అవునా? నిజమా? అవును. అవును.అవును.   నువ్వు మా మతంలోకి మారాలి. మారాలి.మారాలి. మారాలంతే! అన్నీ మా మతంలోనే ఉంటే నేనెందుకు మతం మారాలిరా, జంపింగ్‌ జపాంగ్‌ పిచ్చి పింగాడీ గొర్రె బొచ్చు గాడిద కొడుకుల్లారా! అంతా మాదాంట్లోనే ఉంది, మీరే మా మతంలోకి రండిరా తిక్క పిచ్చి పుల్లయ్యల్లారా!
మరింత చదవండి

పండుగంటే ఆరాధన

  పెద్దాయన: వినాయక చవితి నాడు ఏం చేయాలిరా?  ఆకలేష్‌‌: ఏముంది పెద్దాయనా!  వినాయకుడి పూజేదో చేసేసుకుని, ఉండ్రాళ్ళు, పులిహోర, పరవాన్నం, గారెలు,బూరెలు, నాలుగు కూరలు, నాలుగు పచ్చళ్ళు, పులుసు చేసుకుని తినడమే. లొట్టేష్‌: బిర్యానీ కూడా. పెద్దాయన: వినాయక చవితి అంటే వినాయకుడిని ఇంటిలో ప్రతిష్టించుకుని ఆరాధించాల్సిన రోజు.  ఆ రోజంతా వినాయకుని ధ్యానంలోనే గడపాలి.  పిండి వంటలు అవీ చేయడం వినాయకుడికి నైవేద్యం పెట్టడానికే. తెలిసిందా ?  మరి, దీపావళి రోజు ఏమి చెయ్యాలిరా?  ఆకలేష్‌: ఏముంది, మిఠాయిలు, పిండి వంటలు, కొత్త బట్టలు,టపాసులు!  లొట్టేష్‌: బిర్యానీ కూడా. పెద్దాయన: దీపావళి అంటే లక్ష్మీ దేవిని ఆరాధించవలసిన రోజు.  అది ముఖ్యం.  ఇంతకీ మన పండుగలన్నీ ఆయా పండుగలకు సంబంధించిన దేవతల ఆరాధనలో గడుపవలసిన రోజులు.  అంతేగానీ కేవలం ఉత్సవాలు కాదు.  పండుగ అనగానే హడావిడి చేసేది ఎవర్రా?  ఆకలేష్‌: వ్యాపార సంస్థలు, పెద్దాయనా!  “దీపావళీ ధమాకా!” “దీవాలీ సేల్స్!” “ఈ దివాలీ రోజు మా బ్రాండ్‌ చాక్లెట్లతో నోరు తీపి చేసుకోండి” “ఈ హోలీ జరుపుకోండీ, మా కూల్‌డ్రింక్స్ తో!” “ఈ సంక్రాంతి మా బ్రాండ్ ప్రోడక్ట్స్ తో ఇల్లంతా నింపుకోండి”  అని
మరింత చదవండి