ఆహా, ఏం చెప్పారు సార్‌! 🥸
పాఠకుడు: బండబారి గారు, మీ “ఎండలో తెలుగు పిల్ల” నవలలో కథానాయిక పాత్రను చంపేసారేమీ?
బండబారి: నేను చాలా ప్రాక్టికల్‌. తెలివైన ఆడపిల్లలు ప్రియురాళ్ళుగా బావుంటారు గానీ భార్యలుగా కాదు. అందుకే ఆ పాత్రను చంపేసా.
పాఠకుడు: ఆహా, ఏం చెప్పారు సార్‌! 🥸
పాఠకుడు: హలాహలం గారు, మీ మైదానం బ్రాజేశ్వరికి చదువు చెప్పించి మానసిక వికాసాన్ని, తద్వారా స్వేచ్ఛని పొందినట్టు రాయొచ్చుగా?
హలాహలం: నా లేడీ పాత్రలు ఏవీ మెదడును వాడవు. నాలాగే వ్యామోహాలలో కొట్టుకుపోవడం తప్ప వాటికి వేరే మార్గం లేదు.
పాఠకుడు: ఆహా, ఏం చెప్పారు సార్‌! 🥸
పాఠకుడు: తిరకాసో గారు, మీ లేడీ పాత్రలు అలా చిత్తం వచ్చినట్టు ప్రవర్తిస్తాయేమి?
తిరకాసో: అలా ప్రవర్తింపజేసి అదే స్వేచ్ఛ అని లేడీస్‌ ని నమ్మింపజేయడమే నేను నమ్మిన డమ్మీనిజం.
పాఠకుడు: ఆహా, ఏం చెప్పారు సార్‌! 🥸
పాఠకుడు: అరుణశ్రీ గారు, మీ జీవిత చరిత్ర “యుగాంతం” లో నానా చెత్త మీ వ్యక్తిగత విషయాలన్నీ వ్రాయడం వల్ల ఎవరికి ఉపయోగమండీ?
అరుణశ్రీ: ఔను నిజం
అదే నిజం!
యుగాంతమే
నిజం నిజం!
చదువు చదువు
నిజం నిజం
యుగాంతమే
నిజం నిజం!
పాఠకుడు: 🥸🥸