కచటతపలకు గసడదవలు!
వెంకట లక్ష్మి: మీ కథలో ఒకచోట “కూరకాయలు” అని వ్రాసారేమిటండీ? రచయిత: అది కూరలు+కాయలు. ద్వంద్వ సమాసము. అది అలాగే వస్తుంది. మీకు వ్యాకరణము అదీ తెలియదనుకుంటా. పరవాలేదు, ఇంటికెళ్ళి నేను వ్రాసిన వ్యాకరణ వాక్కాయ చదువుకోండి. అభిమాని అంధారావు: ఆహా! ఎంత బాగా చెప్పారండీ గురువు గారూ! వెంకట లక్ష్మి: కూరకాయలు ఎలా అవుతుందండీ? కూరగాయలు కానీ కాయగూరలు కానీ అనాలి గానీ? రచయిత: కాయగూరలు వేరు. కూరగాయలు వేరు. కాయల్ని వండితే కూర అవుతాయి, అవి కాయగూరలు. కూర వండడానికి వాడేవి కాయలు. కాబట్టి అవి కూరగాయలు. కానీ, కాయకూరలు అనడమే రైటు. అభిమాని అంధారావు: ఆహా! ఎంత బాగా చెప్పారండీ గురువు గారూ! మా గురువు గారికి నాలుగు పీహెచ్చిడీలు, వారి ఖాతాలో వంద పరిశోధనా పత్రాలు ఉన్నాయి. వారి పరిజ్ఞానాన్నే ప్రశ్నిస్తారా? ఎంత ధైర్యం? వెంకట లక్ష్మి: అది కాదండీ, ద్వంద్వ సమాసములో రెండవ పదం కచటతపలు గసడదవలుగా మారతాయి కదా? కూరగాయలు,కాయగూరలు రెండిటి అర్థం ఒకటేనండీ! కుటుంబ రావు: కూరగాయలు రైటా కాయగూరలు రైటా అని మగాళ్ళం మేమే చెప్పలేక పోతున్నాం. నీకెందుకమ్మా ఇవన్నీ? హాయిగా ఇంటికెళ్ళి కూరగాయలతో కాయగూరలు చేసుకోక? అధిక ప్రసంగి సుబ్బారావు: మేడ