పరాశర భారతి

  ఆవ పెట్టిన అరటిపువ్వు కూర తిను.  ఒంటికి మంచిది.  ఛీ!ఛీ! ఆ పాతకాలం వంట ఎవడు తింటాడు?  పోనీ, చింత చిగురు పప్పు తిను.  ఒంటికి మంచిది.  ఛీ!ఛీ! ఆ పాతకాలం వంట నేనస్సలు ముట్టుకోను. సరేలే, అరటి దూట కూర తిను.  ఒంటికి మంచిది.  ఛీ!ఛీ! ఆ పాతకాలం వంట ఎవడు తింటాడు?  పోనీ, పనస పొట్టు కూర తిను.  ఒంటికి మంచిది.  ఛీ!ఛీ! ఆ పాతకాలం వంట నేనస్సలు ముట్టుకోను. సరేలే, గుమ్మడికాయ దప్పళం తిను. ఒంటికి మంచిది. ఛీ!ఛీ! ఆ పాతకాలం వంట ఎవడు తింటాడు?  పోనీ, రోటి పచ్చడి తిను.  ఒంటికి మంచిది. ఛీ!ఛీ! ఆ పాతకాలం వంట నేనస్సలు ముట్టుకోను. సరేలే, మజ్జిగ పులుసు తిను.  ఒంటికి మంచిది.  ఛీ!ఛీ! ఆ పాతకాలం వంట ఎవడు తింటాడు?  సరే బాబు, అల్లం అంటే నాకు తెలీదా,  బెల్లంలాగా పుల్లగా ఉంటుందన్నాడట వెనకటికెవడో.  సరేకానీ, నీకు నచ్చినట్టు ఊరేగు. కొన్నేళ్ళయ్యాక-  ఏంటి బాబు, పచ్చికూరల జ్యూసులు, నానబెట్టిన పప్పులు అవీ తింటున్నావ్‌ సన్యాసిలాగా?  ఏం చెప్పమంటారు?  నాకు బీపీ సుగరు కొలెస్ట్రాలు అన్నీ ఎగ్స్ట్రాగా ఉండడం వల్ల గుండె, లివరు, కిడ్నీలు అన...

  L అంటే  O అంటే V అంటే E అంటే లవ్వు లవ్వు లవ్వులే… పాట రాస్తున్నారా స్పెల్లింగులు నేర్పిస్తున్నారాండీ? ఏదో ఒకటిలేవయ్యా, సినిమా పాటకు.  నన్నల్లుకోవె తీగె మరదలా.. ఇది ఏ వ్యాకరణం ప్రకారం రైటు సార్‌?  ఏదో ఒకటిలేవయ్యా, సినిమా పాటకు.  కోనసీమ కొబ్బరో కొంగుపల్లి జబ్బరో.. జబ్బర్‌ అనేది ఎక్కడి పదం సార్‌? తెలుగేనంటారా?  ఏదో ఒకటిలేవయ్యా, సినిమా పాటకు.  పండు పండు పండు ఎర్ర పండు యాపిల్‌ దాని పేరు.. ఏంటి సార్‌ మాకీ ఒకటో తరగతి పాఠం? ఏదో ఒకటిలేవయ్యా, సినిమా పాటకు. 

  దేశంలో ప్రజలందరికీ ఒకే చట్టం ఉండాలనడం సమంజసమా కాదా?  నిజమే కానీ… దేశం ప్రతి పౌరుడి వ్యక్తిగత హక్కులని కాపాడ్డం చూస్తుందా  ఒక్కో వర్గం ఆచారాలను బట్టి నడుస్తుందా?  నిజమే కానీ… ఒకటి చెప్పు, హిందూ వివాహ చట్టం, శారదా చట్టం లాంటి చట్టాలన్నీ హిందువులను అడిగే చేసారా?  నిజమే కానీ… చట్టాలు చేస్తున్నప్పుడు ఇవి హిందూ శాస్త్ర గ్రంథాలకు అనుగుణంగా ఉన్నాయా అని ఎవరినైనా సంప్రదిస్తున్నారా?  నిజమే కానీ.. అన్నింటికీ అలా నట్లు కొడతావే?  నేను చెబుతుంది సబబుగా ఉందా లేదా?  సరిగ్గా చెప్పు?  నిజమే కానీ…

  పెడ బాబు: ప్రబంధ సాహిత్యం అంతా బూతుల బుగ్గలు.  మా బావ కవిత్వం, ఆధునిక కవిత్వం వచ్చి దాన్ని బూస్థాపితం చేసినయ్యి. సామాన్యుడు: ఆ పుస్తకాలు ఎవరో కొద్దిమంది చదివేవాళ్ళు.   సినేమా విప్లవం వచ్చి ఊరూరా ఆబాలగోపాలానికీ అంతకన్నా ఎక్కువ బూతు చూపించబడుతోంది.  బావ కవిత్వం బావలు కూడా అందులోకి వెళ్ళి బావలు సయ్యా అని డబ్బు కోసం పాటలు, మాటలు రాసేరు. దాన్ని మీరు ఆపడానికి ఏ ప్రయత్నం చెయ్యలేకపోయారే?  పెడ బాబు: అదంతా నీకర్థం కాదు. నేను మేధావిని. పీడితులను చైతన్యపరిచి భూస్వామ్యాన్ని భూస్థాపితం చేసాం. సామాన్యుడు: వ్యవసాయానికి మంగళం పాడి రియల్‌ ఎస్టేట్‌ వైపు మూడు పువ్వులు ఆరుకాయలుగా వెళుతోంది భూస్వామ్యం. కనిపించడం లేదా?  పెడ బాబు: అదంతా నీకర్థం కాదు. నేను మేధావిని. స్త్రీవాదంతో వివాహ వ్యవస్థను షేక్‌ చేసాం. సామాన్యుడు: కేసులు, విడాకులు, సహజీవనాలతో  స్త్రీ మరింత దగా పడడం లేదా? పెడ బాబు: అదంతా నీకర్థం కాదు. నేను మేధావిని. ఎంతోమంది యువతీయువకుల్ని చైతన్యపరచి, మావైపుకి లాక్కుని, మా భావజాలం నూరిపోసి, వెనకాల మేముండి, వాళ్ళని పోరాటాల్లో ముందు నిలుపుతూ నడిపిస్తున్నాం. సామాన్యుడు...

  గోంగూరకు క్రష్యా వాళ్ళు పేటెంట్‌ తీస్కున్నారంట!  గోంగూరకు పేటెంట్‌ ఏంటో వీళ్ళ తలకాయ్‌!  విస్తరాకులకు డుంబ్లిన్‌ దేశం వాళ్ళు పేటెంట్‌ తీస్కున్నారంట! విస్తరాకుకి పేటెంట్‌ ఏంటో వీళ్ళ పిండాకూడు!  ఆకు దొన్నెలు మేమే కనిపెట్టామని బ్రీస్‌ దేశం వాళ్ళు పేటెంట్‌ తీస్కున్నారంట! ఆకు దొన్నెలు వీళ్ళు కనిపెట్టడడమేమిటో వీళ్ళ శ్రార్ధం! తరవాణిలో medical properties ఉన్నాయని బర్మనీ వాళ్ళు పేటెంట్‌ తీస్కున్నారంట! మన తరవాణికి వీళ్ళ పేటెంట్‌ ఏంటో వీళ్ళ బొంద!  పళ్ళు తోముకోవడానికి బూడిద, బొగ్గు పొడి శ్రేష్టమని పేటెంట్‌… ఇంక నాకు చెప్పకురా అబ్బాయ్! ఎక్కడో కాలుతోంది!

  తాతాచారి, జెప్ఫా భాయి, వెవ్వెవ్వే వెంకోజీ, చండ్రహింసా రావు కలిసి ఏలూరు మురిక్కాలువ వంతెన మీద కాళ్ళు వేలాడేసుక్కూచుని వచ్చే పోయేవాళ్ళని చూస్తూ కామెంటరీలతో కాలక్షేపం చేస్తూ ఉండగా,  అటుగా వెళుతున్న లేత రచయిత గుర్నాథం, ఈ ముదురు టెంకి సీనియర్‌ గాళ్ళని చూసి భక్తి పారవశ్యంతో నోట మాట రాక,  సార్‌! సార్‌! సార్‌! ఇంతమంది సీనియర్లని ఒక దగ్గర చూసి నాకు నోట మాట రావడం లేదు సార్‌! బాగున్నారా సార్‌? అని పలకరించాడు. బాగున్నాం గానీ, నువ్వేంటయ్యా అంత నీర్సంగా నిరుత్సాహంగా కనిపిస్తున్నావ్‌? అడిగాడు తాతాచారి, వీడితో కొంచెం కాలక్షేపం చేద్దాం అనుకుంటూ. ఆమాత్రం మాటకే లేత రచయిత గుర్నాథం కదిలిపోయి, కన్నీళ్ళు పెట్టుకుంటూ-  ఏం చెప్పను, గురూజీ. నాకు ఎన్నో గొప్ప ఆదర్శాలున్నాయి.  నా రచనల్లో కూడా నా ఆదర్శాలన్నీ మసాలా వేసి కూరి కూరి కమ్మటి కథలు రాస్తున్నా.  కానీ, నిజ జీవితంలో మోహాలు,వ్యామోహాలు,కోరికలు,కో పతాపాలతో అతలాకుతలం అయిపోతున్నా.  నా ఆదర్శాలకు తగ్గట్టు నేను జీవించలేక పోతున్నా.  ఆ ఆవేదన తట్టుకోలేక పోతున్నా సార్‌!  అన్నాడు. ఆ మాటలకు వంతెన మీది సీనియర్స్ అంతా విరగబడి నవ్...

  లిబరల్‌ అంటే ఎవురన్నియ్యా? మన పూజల మీద,  మన పండగల మీద, మన పద్ధతుల మీద, మొత్తం మన మీద మనకే అసయ్యం పుట్టేటట్టు  మాట్టాడి,మాట్టాడి, పత్రికల్లో రాసి,రాసి, సినేమాలు తీసి,తీసి  చివరికి మనమే మనదాన్ని  తూస్కారంగా చూసేతట్టు చేసే వాడినే  ‘లిబరల్‌’ అంటారు తమ్మీ.  పత్రికల్లో ,సోషల్‌ మీడియాల్లో విడవకుండా చెత్తబోసేది ఈళ్ళేనా? తిక్కలాళ్ళు తిరనాళ్ళకి బోతే ఎక్కనూ దిగనూ సరిపోయిందంట.   అయితే, అట్టా చేత్తే ఆళ్ళకి ఏవొస్తాదన్నియ్యా?  మన దాని మీద గౌరవం పోయినాక-   సగంమంది అందరు దేవుళ్ళు ఒకటేలే అనే బాచిగా,  సగంమంది అసలు దేవుడే లేడు అనే బాచిగా  తయారౌతారు.  అప్పుడు మెదటి బాచీకి వలేయడానికి మత మార్పిడి ముఠాలు, రెండో బాచీకి వలెయ్యటానికి ఎడం చేతి వాళ్ళు వస్తారు.  ఆళ్ళూ ఆళ్ళూ ఫ్రెండ్సా అన్నియ్యా?  మన దేశంలో మన ధర్మం పోయిందాక కల్సి పన్చేసి,  ఆ పనయ్యాక వాళ్ళలో వాళ్ళు కొట్టుకుంటారు.  వాళ్ళల్లో ఎవరు పవరులోకొచ్చినా ఇంకోళ్ళని రానీరు.  అప్పటిదాకా,  గాడిద సంగీతానికి ఒంటె ఆశ్చర్య పోతే,  ఒంటె అందానికి గాడిద మూర్ఛ పోయిందని సామెత...