పరాశర భారతి

  ఔర! ప్రభాతశైల సానూపల నీలపాళికల నొత్తకయే స్రవియించు ఆ హిమానీ పరగాయనీ గళ వినిశ్రుత మాధురి మంటి కీడ్తురా?   ఈడ్తురు.  మంటికీడ్తురు.  బురద కీడ్తురు.  ప్రేమని చీకటి గదుల్లో లాగ జూతురు.  పంజరములో బంధింపజూతురు.  ఈర్ష్యా పిశాచిని నిద్దుర లేపుదురు.  సుఖశాంతులను హరింపజేతురు.    పక్షినని పాడగలనని ప్రణయ వీధి  నిత్య లీలావిహారముల్ నెరపుదునని  పక్షముల దూల్చి బంధించి పంజరాన  గానమును బ్రాణమ్ము  హరింప బూనినారు   అని వగచి ఏమీ లాభం లేదు అమ్మీ.  ప్రేయసి సోయగమ్మునకు లేదు శరీరము అని అనుకునే వారు బహు కొద్ది. శ్రీకృష్ణ ఉవాచ: పార్ధా! ప్రేమ.అభిమానం.ఆరాధన. అన్నీ స్వకపోలకల్పిత మనో వికారాలు అని నువ్వు తెలుసుకోగలిగితే చిత్త భ్రాంతులన్నీ వాటంతట అవే తొలగిపోయి మనస్సుకి స్వస్థత చేకూరగలదు.               కన్ను మెచ్చిన వారిని ఆకాశానికెత్తడాలు.  ఊహాభవంతులు కట్టడాలు. అఖండ ఆరాధనా దీపం వెలిగించడాలు.  ఈ మనో దౌర్బల్యానికే,చిత్త చాంచల్యానికే రకరకాల పేర్లు పెట్టుకున్నారమ్మడూ,పనీపాటు లేని భావు...

  ధన్యున్   లోకమనోభిరాముఁ   గుల   విద్యా   రూప   తారుణ్య   సౌ జన్యశ్రీ   బల   దాన   శౌర్య   కరుణా   సం శోభితున్   నిన్ను   నే కన్యల్గోరరు ?  కోరదే   మును   రమాకాం తా   లలామంబు   రా జన్యానేకపసింహ !  నా   వలననే   జన్మిం చెనే   మోహముల్ ? ఆయనేమో మహారాజు.  ఈవిడేమో రాజకుమార్తె. కనుక నా వలననే జన్మించెనే మోహముల్‌ అని ప్రేమలేఖ రాసి పడేస్తే, విద్యా రూప తారుణ్య సౌజన్యశ్రీ బల దాన శౌర్య కరుణా సంశోభితుడు కనుక వెంఠనే రథం మీద వచ్చి, అక్కడిన్న రాజులందరినీ డిష్యుం డిష్యుం అని కొట్టేసి ఆ అందాల భామను చేపట్టాడు.  కానీ లోకంలో అందం ఉంటే గుణం ఉండదు, అందము,గుణము ఉంటే ధైర్యం ఉండదు, అందము,గుణము,ధైర్యము ఉంటే తనను ప్రేమించిన కన్య పట్ల అనురక్తి ఉండదు!   కానీ మరి ప్రేమ లేఖలు వ్రాసే కన్యలంతా రుక్మిణులు కాదు కనుక వారూ వీరూ కూడా సర్దుకుపోవడం లోకంలో కద్దు.  రుక్మిణీ కల్యాణం పారాయణం చేసిన కన్యకామణులందరికీ కృష్ణుడిలాంటి భర్త లభిస్తాడా అంటే అది కుదరదు కనుక వచ్చిన భర్తను కృష్ణుడిగా తనను తాను ...

  మన తెలుగు నేల మీద నేటి కాలపు యువకులు ఎలా ఉన్నారో చూద్దామని స్వర్గంనుండి దిగి వచ్చారు,  కోడి రామ్మూర్తి గారు మరికొంత మంది మరాఠా యోధులు.  బాబూ, వివేకానందుడు చెప్పిన  ఇనుప కండలు, ఉక్కు నరాలు ఉన్నయ్యా నీకు?  ఇనప కండల్? ఉక్కు నరాల్‌? 😁 నాకు కళ్ళజోడ్‌.  లో బీపీ & హై సుగర్!  బాబూ, మేము వంద కిలోల బండ రాతిని  బెండు బంతిలా భుజానికెత్తి చూపే వాళ్ళం.  నువ్వలా చెయ్యగలవా? అమ్మో, 100 kgs?  మీకేమైనా పిచ్చా? 😁 మా మహారాష్ట్రలో ప్రతి గ్రామంలోను హనుమాన్‌ దేవాలయం ముందు రాతి గుండ్లు ఉంటాయి.  అవి ఎత్తగలిగిన వాడే ఉస్తాదు,బలశాలి అని అందరూ ఊళ్ళో గౌరవిస్తారు.  రాతి గుండ్లా?  అవేంటో? 😄 బాబూ, మేం పొద్దున్నే ముద్గర్‌లతో వ్యాయామం చేసేవాళ్ళం.  నీకవి తెలుసా బాబూ?   ముద్గర్‌ హంటే?   హెప్పుడూ వినలేదే? 😁 నేను ఏనుగును ఛాతీ మీదకెక్కించుకోగలిగే వాడిని.  నా గురించి విన్నావా? You mean elephant?? 😮 నేను ఊపిరి గట్టిగా వదిలి ఛాతీకి కట్టిన  ఉక్కు సంకెళ్ళను తెంచగలిగే వాడిని.  నా గురించి విన్నావా? ఓరి దేవుడోయ్‌, మీరు మనుషులేనా? ...

  ఉత్తరాల ఊర్వశీ ప్రేమలేఖ ప్రేయసీ ఉత్తరాలు అని పైన బహువచనం చెబుతున్నాడు కదా కవి, కింద ప్రేమలేఖ ప్రేయసి అన్నాడే?  ప్రేమలేఖలు అని కదా ఉండాలి?  ట్యూనుకి కుదిరి ఉండదు. అర్థం చేసుకో.  పోనీ,  ఉత్తరాల ఊర్వశీ చిత్తరాల ప్రేయసీ అని వ్రాస్తే? ఉత్తరాల ఊర్వశీ ఆత్తరాల ప్రేయసీ అని కూడా వ్రాయొచ్చు కదండీ? ఏదో ఒకటి లేద్దూ సినిమా పాటకి.  కీచు కీచు పిఠ్ఠా! నేలకేసి కొఠ్ఠా! నిన్నొదిలి పెట్టేది ఎఠ్ఠా? నీనోట పంచదార కొఠ్ఠా! ఏమన్నా సాహిత్యమా అండీ? ఏమిటో ఈ వికట రొమాన్సు పాఠ.   పాఠ రాసేఠప్పుడు కవి గారికి జలుబు చేసి ఉంటుంది.  అయినా ఏదో ఒకటి లేద్దూ సినిమా పాఠకి.  కదలి వచ్చే నీలో కడలి పొంగులు చూసా కనుల నీడలలోనే కవితలెన్నో రాసా కడలి అంటే సముద్రము. మన సంప్రదాయంలో స్త్రీలను నదులతోను,  సముద్రాన్ని, “సముద్రుడు” కనుక పురుషుడితోనే పోలుస్తారు.  మరి కథానాయికలో “కడలి” పొంగులు చూడ్డం ఏమిటండీ?  ఏదో పాపం డబల్‌ మీనింగ్ కోసం తంటాలు.  మరీ అంత విశ్లేషించకండి.    సినిమా పాటను అలా పైపైన విని ఆనందించి వదిలెయ్యండి.  అప్పుడే టిక్కెట్టు కొనుక్కుని థియేటర్‌లో కూ...

  అయోధ్య బాలరాముడిని చెక్కిన శిల్పి ఏమన్నాడో విన్నావా?  ఇదిగో ఇది నేను ఉపయోగించబోయే శిల.  నేనేమనుకుంటానంటే, ఇందులో రాముడున్నాడు.  ఈ శిలలోంచి నా రాముడు బయటికి వచ్చేలా భగవంతుడే నాచేత చెక్కిస్తాడు, ఆ రూపాన్ని నాకు తట్టేలా చేస్తాడు అని.  ఎంత గొప్ప మాట అన్నాడో! ఒక గొప్ప భారతీయ శిల్పిలా మాట్లాడేడు.  అసలు ఎప్పుడైనా శిల్ప శాస్త్రం అనేది మనకు ప్రామాణిమైనది ఒకటుందని ఎఱుక ఉందా నీకు?  మన ప్రాచీన దేవాలయాల్లో చెక్కడాలు గమనించావా? ఆ శిల్పాలు చెబుతున్న కథలేమిటో ఊహించావా? అవి పౌరాణిక గాథల్లోని సన్నివేశాలేమో కనిపెట్టావా? అవి ఏ రాజుల చరితలో, ఏ రాణీ గాథలో ఆనవాలు పట్టావా? అసలు నువ్వసలు ఆ శిల్పాలకు విలువనిచ్చావా? వాటిపై చూపు నిలిపావా? దక్షిణ భారతదేశ శిల్పాలకి, దేవాలయ నిర్మాణానికి, ఉత్తర భారత నిర్మాణాలకీ తేడా పరిశీలించావా? శిల్పంలో ఉపయోగించే రాయి, ప్రాంతానికీ ప్రాంతానికీ మారుతోందని గ్రహించావా? శిల్పం దేనిదో, ఎవరిదో దాన్ని బట్టి ఒడ్డు, పొడవు కొలతలు అన్నీ శాస్త్ర ప్రకారం మారుతూ ఉంటాయని అందులోని సూక్ష్మాంశాలను మతింపు చేసుకున్నావా? దేవతాశిల్పం చెక్కిన తరువాత దానికి ప్రాణ ప్రతిష్...

  గాలిమేడల ఆశాజీవి Illusion City లో Software ఉద్యోగిగా పనిచేస్తున్నాడు.  కానీ ఆనందంగా లేడు. పని ఒత్తిడితో పాటు  బాస్‌ ఉన్మత్త రావు పెద్ద ఇత్తడి కావడం చేత  రోజూ తత్తిడి బిత్తిడి అవుతున్నాడు. ఉద్యోగం అతని  అందమైన వంకీల జుట్టును  ఎత్తుకు పోయింది.  బట్ట తల అతని  పెళ్ళికి గట్టి మట్టి గోడలా  అడ్డు నిలిచింది.  కనీసం పెళ్ళి చూపుల వరకైనా రప్పిద్దామని  జుట్టున్నప్పటి పాత ఫొటోలు పంపి  మోసం చేసాడు కొన్నాళ్ళు.  ఫలితం లేదు. పదేళ్ళ నాటి పాత ఫొటోలు ఫేక్‌బుక్‌ లో పెట్టి ఆడపిల్లల్ని attract చేద్దామనుకున్నాడు.  కొంత సఫలం అయ్యాడు కూడా.  కానీ ఆశాజీవి అసలు స్వరూపం అవగతం కాగానే వాళ్ళంతా అక్కడినుండి పరారయ్యారు.  తన ప్రయత్నాలన్నీ చిత్తడి చిత్తడి అవుతున్నాయని  ఎంతెంతో విచారించాడు ఆశాజీవి.  ఆ ప్రయత్నాలకు తాత్కాలికంగా దుప్పటి కప్పి,  జీతం వస్తోంది కనక హాయిగా ఎంజాయ్‌ చేద్దామని,  Illusion City లోని ఓ మెగా బార్‌కి వెళ్ళి  మందు పట్టించాడు ఆశాజీవి.  అదేం మందో, తాగేటప్పుడూ సుఖం లేదు,  తాగిన తర్వాత హాంగోవరు,...

  ఏంటి బాబూ, మావాడ్ని పప్పు గాడని ఎగతాళి చేస్తున్నావట? నువ్వు తినవా పప్పు? 🤐🤐 నువ్వేమన్నా పులుల్ని, సింహాల్ని వేటాడుతున్నావా?  ఇంటెనకాల తిరిగే కోడిని, అది పెట్టే గుడ్డునేగా నువ్వు తినేది?  🤐🤐 పోనీ అడవికెళ్ళి జింకల్ని కొట్టుకొస్తున్నావా? షాపులో పాక్‌ చేసి పెట్టిన మటనేగా నువ్వు తెచ్చుకునేది? 🤐🤐 తినేవాడు గొప్పా? అవకాశమున్నా తినని వాడు గొప్పా?  🤐🤐 అహింస అనేది వ్రతంగా పెట్టుకున్న వాడినెవడినైనా సరే,  వాడి ఆహార నియమాన్ని గౌరవించు.  ఎందుకంటే వాడు ప్రకృతికి, ఏ ప్రాణికి ఏరకమైన హాని చెయ్యకుండా బతకాలని ప్రయత్నిస్తున్నాడు. వాడి ప్రయత్నాన్ని అభినందించు. 🤐🤐 మేమంతా హనుమాన్‌ వ్యాయామశాల వస్తాదులం.  అందరం శాకాహారులమే!  😲😲 శాకాహారాన్ని తక్కువ చెయ్యకు,  మాంసాహారాన్ని గొప్ప అనుకోకు.  సరేనా?  🫣🫡